കണ്‍ പീലികളിലിരുന്നൊരു
ജലബിന്ദുവിന്‍ ജാലകത്തിലൂടെ
മഴവില്ലൊന്നു കണ്ട പുലര്‍കാലം .
നീലമലകളുടെ സാഗരത്തീരവും
പ്രദോഷ നിശ്ചലച്ചായചിത്രവും
അകന്നകലുന്നൊരു നോവായ്‌ …
ഒരു നോവായടരുന്ന പൂ
തന്‍ വിലാപമായോരെന്‍
കൃഷ്നമിഴികളിലെകാന്തതയുടെ
നീലിമയേറിയ ആഴമായ് …
ഗ്രഹണമായ് ..
നിന്‍ നനഞ്ഞു നേര്‍ത്ത ഓര്‍മകള്‍ .
പുല്‍തുംബിലൂടെ ഊറും
രാവിന്റെ നോവിന്‍ കണങ്ങള്‍
ആ തീര്‍ത്ഥം കൊതിയ്ക്കും
ഏതോ മഴനിഴല്‍തടങ്ങള്‍ -
തന്‍ ചൂടു നിശ്വാസങ്ങള്‍ .
പകല്‍ കുടിച്ചു വറ്റിയ ചാലുകള്‍ .
വരണ്ടു നിറം കേട്ട മേടുകള്‍ …
നിഴല്‍ തേടുകയാണ്‌ ഇന്നു ,
ഞാന്നൊരു ,മഴയുടെ കുളിരും .
കാലം പിറക്കുമോ ഒരു മഴ മേഘമായ്
ഇന്നീ ഗ്രാമഹൃതിടത്തില്‍ ...
Wednesday, May 21, 2008
Subscribe to:
Posts (Atom)