എന്നിലേക്കുള്ള യാത്രകള്‍
ആ കടല്‍ത്തീരം
കണ്ടു മടങ്ങിയതിനുശേഷമാവണം,
യാത്രകളില്‍ ഞാനേറെ ,
ഒറ്റപ്പെടാന്‍ തുടങ്ങിയത് .
ഓര്മ്മിക്കപ്പെടാതിരിക്കാന്‍
ഒരു ബ്ലാക്ക്‌ & വൈറ്റ് ഫിലിം
വെളിച്ചത്തിലേയ്ക്കു തുറക്കപെടേണ്ടതുണ്ട്.
ആവര്ത്തിക്കപെടേണ്ടാതെല്ലാം
ഒരു രൂപ നാണയത്തോടൊപ്പം
കിഴിയാക്കി ഉമ്മറക്കോലായില്‍ വയ്ക്കണം .
ചെയ്യാത്ത യാത്രദിനങ്ങളില്‍ ,
നിറയെ വിവരണങ്ങള്‍
എഴുതി വഴിയമ്പലങ്ങളില്‍ ,
സ്വയം നഷ്ടപെടണം.
ആ, എകാന്തമരത്തില്‍
പേരും മിഥുനവും കൊത്തിയ
ചെമ്പ് തകിടും
തറയ്ക്കണ, മൊരു ചരിത്രരേഖയ്ക്കായ്.
മഞ്ഞ സൂര്യകാന്തികള്‍
വീണ്ടും വരയ്ക്കണം
എന്നിട്ട് വേണം ,ചായ പെന്‍സിലുകളുടെ
മുനയൊടിക്കാന്‍ .
വരികളിലൊരു ജീവനെ
കൊരുത്തതിനുശേഷമാവണം
അക്ഷരങ്ങളെ ,നിന്റെ പട്ടത്തിന്റെ
പിറകില്‍ കെട്ടേണ്ടത് .
ശേഷിയ്ക്കുന്ന ഏക സുഹൃത്തിനു
ഒത്തുചേരലുകളുടെ ഓര്‍മകളെ
ഒരു ചുവന്ന ചരടായ് കയ്യിലേല്‍പ്പിക്കണം
ഇനിയും ഒരുപാടുണ്ട് ,
എന്നാല്‍ ജീവിതത്തിലേയ്ക്കുള്ള
അവസാനത്തെ train
കൃത്യമായും 7.55 നു വരും .
